ശ്രീ താറ്റിയോട് മഹാവിഷ്ണു ക്ഷേത്രം കൂടാളി
റൂട്ട്:- കണ്ണൂര്‍ - ഏച്ചുര്‍-ചാലോട് റൂട്ടില്‍ കൂടാളി ആസ്പത്രി സ്റ്റോപ്പില്‍ നിന്നും രണ്ടു കിമി നടന്നാല്‍ മതി
പ്രതിഷ്ഠ മഹാവിഷ്ണു (ഇരുപത്തിയൊന്നാം നൂറ്റാണ്ട്)
(കംസവധത്തിന്നു ശേഷമുള്ള ശ്രീകൃഷ്ണ ഭാവം )
ദര്‍ശനസമയം രാവിലെ അഞ്ചര മുതല്‍ പത്ത് വരെ വൈകുന്നേരം അഞ്ചര മുതല്‍ എട്ട് വരെ
പ്രധാനവഴിപാടുകള്‍ പുഷ്പാഞ്ജലി,പാല്‍പായസം,നിറമാല
വിശേഷ ദിവസങ്ങള്‍ മലയാളമാസം ഒന്ന് ,ഓണം, അഷ്ടമി രോഹിണി,നവരാത്രി,വിഷു
ഉത്സവം ജനുവരി മുപ്പതു മുതല്‍ ഫിബ്രവരി നാല് വരെ
പശ്ചാത്തല ചരിത്രം പണ്ട്
ഇവിടം കൊടും കാട് ആയിരുന്നു. നൂറ് വര്‍ഷങ്ങള്‍ക്കു മുന്‍പ് കാട്
വെട്ടിത്തെളിച്ചപ്പോള്‍ ഒരു കെട്ടിയ കുളത്തിന്റെ അവശിഷ്ടങ്ങള്‍
കണ്ടിരുന്നു. പലരും ആ കല്ലുകള്‍ എടുത്തു കൊണ്ടുപോയി ആര്‍ക്കും ഗുണം
പിടിച്ചില്ല. പതിനഞ്ചു വര്‍ഷംമുന്‍പ് ചുറ്റുപാടുമുള്ള വീടുകളില്‍ പലവിധ
അനര്‍ ത്ഥങ്ങള്‍ സംഭവിച്ചു കൊണ്ടിരുന്നു. ഇത് തുടര്‍ന്നപ്പോള്‍ ചുറ്റുമുള്ള
വീട്ടുകാര്‍ സംഘടിച്ചു ഒരു പ്രശ്നം വെച്ചു. പണ്ട് ഇവിടെ ഒരു വിഷ്ണു
ക്ഷേത്രമുണ്ടായിരുന്നു എന്നും അതിനെ പരിപാലിക്കാത്തതാണ്
കഷ്ടനഷ്ടങ്ങള്‍ക്ക് കാരണമെന്ന് മനസ്സിലായി. ഉത്സാഹികളായ ചെറുപ്പക്കാര്‍
സ്ഥലം മുഴുവന്‍ കിളച്ചു പരിശോധിച്ചപ്പോള്‍ ശ്രീ കോവിലിന്റെ തറയും മൂടിയ
കിണറും കണ്ടു. കിണറിലെ മണ്ണ് മുഴുവന്‍ മാറ്റിയപ്പോള്‍ കെട്ടിയ കിണറിന്റെ
അടിയിലായി പൊട്ടിയ ശ്രീകൃഷ്ണ വിഗ്രഹവും മറ്റും കിട്ടി .തെളിവുകള്‍
വെച്ച് പരിശോധിച്ചപ്പോള്‍ ഊരാളര്‍തമ്മിലടിച്ചു ക്ഷേത്രം
നശിപ്പിച്ചതാണെന്നും പ്രശ്ന വിചാരത്തില്‍ കണ്ടു. നാട്ടുകാരുടെ കമ്മിറ്റി
അതിവേഗം പ്രവര്‍ത്തിച്ചു ബഹുദൂരം മുന്നോട്ട് പോയി. ജാതി മതഭേദമില്ലാതെ ഏവര്‍ക്കും പ്രവേശനമുള്ള മലബാറിലെ ആദ്യത്തെ മഹാ വിഷ്ണു ക്ഷേത്രമാണിത്.
കുളത്തിന്റെ പണികള്‍ പുരോഗമിച്ചു കൊണ്ടിരിക്കുന്നു ക്ഷേത്രതന്ത്രി
ബ്രമശ്രീ തരണനെല്ലൂര്‍ പദ്മനാഭന്‍ഉണ്ണിനമ്പൂതിരിപ്പാടിന്റെ അനുഗ്രഹങ്ങളും,
മുസ്ലിം സഹോദരന്മാരുടെ നിര്‍ലോഭമായ സഹകരണങ്ങളും ക്ഷേത്രത്തിനു
ലഭിച്ചിടുണ്ട് ഉത്സവ ദിവസങ്ങളില്‍ മൂന്നു നേരം അന്നദാനം പതിവാന്നു
 |
| തിടമ്പ് നൃത്തം |
ഭരണം പ്രസിഡണ്ട്‌ താറ്റിയോട് മഹാവിഷ്ണു ക്ഷേത്ര കമ്മിറ്റി താറ്റിയോട് കൂടാളി 670592
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ